عدم سے لائی ہے ہستی میں

کلام : بیدم شاہ وارثی رحمت اللہ علیہ

عدم سے لائی ہے ہستی میں آرزوئے رسول
کہاں کہاں لیے پھرتی ہے جستجوئے رسول

خو شا وہ دل کہ ہوجس ولمیں ٓا رزو ۓ رسول
خو شاوہ ٓا نکھ جو ہو محو حسنِ روئے رسول

تلاش نقشِ کفِ پائے مصطفٰے کی قسم
چنے ہیں آنکھوں سے ذراتِ خاک کوئے رسول

پھر ان کے نشۂ عرفاں کا پوچھنا کیا ہے
جو پی چکے ہیں ازل میں مئے سبوئے رسول

بلائیں لوں تری اے جذب شوق صل علٰی!
کہ آج دامن دل کھنچ رہا ہے سوئے رسول

شگفتہ گلشن زہرا کا ہر گل تر ہے
کسی میں رنگ علی اور کسی میں بوئے رسول

عجب تماشا ہو میدان حشر میں بیدمؔ
کہ سب ہوں پیش خدا اور میں رو بروئے رسول